- Diese Veranstaltung hat bereits stattgefunden.
Swisscup 2015
21/03/2015 @ 09:30 - 23:00
De Swisscup ass dëst Joer zu Lausanne. Den 21. Mäerz 2015 moosse mir eis erëm mat de lëtzebuerger Studente vun Zürich, Lausanne a St. Gallen!
Dozou hei e puer wichteg Punkten:
- D’Ekippe gi, wéi all Joer, vum Comité zesumme gestallt. Hei fann der d’Tabell mat den Ekippen: Ekippen Swisscup15
- Wann vill Leit sech vir eng selwecht Sportaart umelle gi méi Ekippe gemaach.
- Well net jiddereen all Sportaart mat mécht a vläit net scho frei Moies well op Lausanne fueren hu mer decidéiert, dass jiddereen sech selwer ëmt den Transport a Schlofplatze muss bekëmmeren. Et ass e Parking bei der Sporthal. Dësen ass Samschdes gratis! Op kee Fall an déi giel markéiert Parkplatze stellen!!
- Dëst Joer ass de Fraefussball, duerch Unihockey ersat ginn. Unihockey ass also nëmme vir d’Meedercher.
- D’Iessen ass net obligatoresch. Am Fall wou een decidéiert net mat an d’Mensa iessen ze goen, muss en sech selwer drëm bekëmmeren.
- Vestiairen, Duschen an Toiletten sin nierwt der Haal wou mer spillen. Brengt just een Schlass mat fir d’Schief an den Vestiairen, soss kritt der déi net zou!
- Wasser an Uebst vir d’Sportler gëtt vunn der AELL zur Verfügung gestallt. Bréngt trotzdem är eege Saache mat!
- Et däerf een och mat op de Swisscup goe wann ee net matspillt! All Ënnerstëtzung ass gär gesinn! =) Dir kënnt iech an dem Fall awer vir d’Iessen umellen.
Hei de Programm vun der AELL (Ännerunge si méiglech an Detailer kommen nach no!):
| Wéini? | 21. Mäerz 2015 mat Rendez-Vous 09:30 Auer |
| Wou? | Sportshal (Centre Sportif Dorigny Lausanne) SOS1 vun der Universitéit Lausanne. Entrée ass bei der Hal SOS2.D’Adress ass: Centre sportif de Dorigny, CH-1015 Lausanne (Plang weider ënnen) |
| Start | Um 10:00 Auer |
| Spillplang |
–> Mëttegiessen an der Mensa vun der Uni ass vunn 12:30-13:30 Auer. Mëttegiesse kascht 15-18 CHF. Et gi Nuddelen (vegetaresch an net vegetaresch). D’Mensa vunn der UNIL ass 500 m vunn der Sporthal fort. –> De genaue Programm fann der hei a Form vunn engem Excel-Dokument: Programm-Swisscup |
| Nom Swisscup | Bei guddem Wieder gëtt en Apéro um Séi gemat. Wann d’Wieder net matspillt gi mer iessen an duerno feieren. |
Plang vum Sportcampus vun der Universitéit Lausanne
Hannergrondinformatiounen:
De Swisscup ass en traditionellen Tournoi tëschent de lëtzebuerger Studentencercelen an der Schwäiz. E gëtt all Joer vun engem anere Cercle organiséiert. Et ass eng super Geleeënheet vir nei Léit kennen ze leieren a sech sportlech mat deenen anere Studenten ze moossen.
Kalender präsentiert von The Events Calendar